Shitjet e telefonave të Samsung ranë 10% në SH.B.A. gjatë TM2 2020

Të gjitha raportet e fundit të analizës së tregut tregojnë se si COVID-19 ka ndikuar ekonomitë dhe shitjet e telefonave në të gjithë botën.

Dje, u zbulua se pjesa e tregut të telefonave të Samsung ra ndjeshëm me deri 60 përqind në Indi gjatë TM2 2020.

Megjithatë, gjërat nuk kanë shkuar aq keq në SH.B.A. Një raport i ri tregon se shitjet e kompanisë prej Koresë së Jugut kanë rënë por jo aq sa tek rivalët e saj.

Sipas numrave të fundit të përpiluar nga firma e hulumtimit të tregut Counterpoint Research, shitjet e telefonave të Samsung ranë 10 përqind në SH.B.A. gjatë tremujorit të dytë të këtij viti kur u krahasuan me numrat nga TM2 2019.
Firmat rivale, Apple, LG, OnePlus dhe Motorola shfaqën shitje shumë më të ulëta.

Shitjet e Apple ranë me 23 përqind, ndërsa LG pati një rënie prej 35 përqind në shitjet e telefonave të saj.

OnePlus, Motorola dhe ZTE ishin humbësit më të mëdhenj në tregun e SH.B.A.-së, duke shfaqur pika rënëse prej 60%, 62% dhe 68%, respektivisht.

Raporti thotë se shumica e kësaj rënie në shitje ka ndodhur nga mesi i marsit deri në mes të prillit kur shumica e dyqaneve me pakicë u mbyllën për shkak të bllokimit të lidhur me COVID-19.

Shitjet e telefonave të mençur në maj dhe qershor në fakt u rritën nga java në javë.