Shije e nivelit botëror në Prishtinë me 6 dhe 7 maj – Zgjidhje për çdo Chef

Më 6 dhe 7 maj, ekspertë të njohur botërisht të gastronomisë dhe hotelerisë do të mblidhen në Prishtinë ku do të prezantojnë pajisje moderne italiane dhe teknika kreative të gatimit, duke ofruar njohuri dhe këshilla të vlefshme për profesionistët e gastronomisë në Kosovë.

Këtë fundjavë mbi 2000 pjesëmarrës do të kenë mundësinë të avancojnë aftësitë dhe njohuritë e tyre të kulinarisë duke mësuar nga profesionistë të njohur dhe liderë të industrisë, si Thomas Fabris (Baron), Jacopo Chelli (Cattabriga), Giovanni Bolzonello (Lainox), Claudio Rampinini (Moretti Forni), Uesli Prekaj (Lainox), Anis Djekboub (Baron), Ivica Valenta (UNOX), Goran Duric (UNOX), Aleksandar Rauing (Baron), dhe Idlir Haruni (UNOX).

Pajisjet moderne të kuzhinës nga 30 brende të shquara evropiane, të krijuara për të rritur efikasitetin dhe cilësinë në kuzhinat profesionale, do të prezantohen nga ekspertë të cilët do të demonstrojnë të gjitha mënyrat se si përdorimi i këtyre pajisjeve rrit cilësinë dhe avancon biznesin tuaj. Disa nga profesionistët përfshijnë Francesco Sansone (Baron), Dario Cais (ONFIRE), Carlo Fama (HOONVED), Tomislav Baraba (ROBOT COUPE), Nebojsa Urosevic (SIGMA), Maria Bruna (Cattabriga ICETEAM), Martina Nikolçiç (LG) dhe Marko Uzun (LG).

Në këtë panair do të keni mundësinë të zgjeroni rrjetin tuaj profesional dhe të njoftoheni me përfaqësues të 30 brendeve nga 9 shtete dhe të qëndroni në hap me trendet dhe zhvillimet më të fundit në kulinarinë dhe teknologjinë më moderne.

Në një hapësirë prej 5,000 m2, kjo ngjarje ju ofron një përvojë interesante dhe informuese që u mundëson të gjithë pjesëmarrësve të eksplorojnë, të mësojnë dhe të njoftohen me profesionistë të tjerë, teksa shijojnë pjatat e përgatitura nga Chef-a të nivelit botëror.

Për më shumë informata rreth panairit dhe për të siguruar vendin tuaj vizitoni:

frigodeluxe.com/eventi/.