Spitali i Shtipit është në gjendje të mjerushme! Këtë e tregojnë fotografitë e publikuara nga qytetarët e këtij qyteti të vogël në Lindje të vendit, shkruan Telegrafi Maqedoni.
Bëhet fjalë për repartin për terapi fizikale në kuadër të këtij spitali në Shtip.
Qytetarët e Shtipit kanë shkruar se drejtorit të spitalit nuk i interesojnë aspak kushtet e spitalit që drejton por pjesmarrjen nëpër konferenca dhe seminare.
Këto fotografi janë shpërndarë me të madhe nëpër rrjetet sociale në mesin e qytetarëve të Shtipit por edhe qyteteve tjera.
Për Telegrafi Maqedoni, ministri Arben Taravari ka thënë se që nesër inspekcioni dhe një delegacion nga kabineti i tij do të realizojnë takim me drejtorin e spitalit për të gjetur zgjidhje për këtë papastërti. /Telegrafi/
