Shi i shoqëruar nga era, breshëri dhe bubullimat përfshiu shumë pjesë të Kroacisë

Sistemi evropian i paralajmërimit të stuhive “ESTOFEX” lëshoi sot një paralajmërim të nivelit të dytë dhe të parë për pjesë të Kroacisë.

Sipas mediave kroate, përcjell Telegrafi, ata thonë se një pjesë e Ballkanit Perëndimor do të goditet nga shiu i madh dhe breshëri, duke shtuar se tornadot dhe erërat e forta janë të mundshme.

Po sipas tyre, stuhitë do të formohen nga veriu i Kroacisë deri në jug të Sllovakisë dhe se do të jenë stuhi të forta.

Aktiviteti më i madh pritet në mbrëmje, kur priten më shumë reshje.

“Severe Weather Europe” ka lëshuar gjithashtu një parashikim që njofton reshje të mëdha shiu për Ballkanin Perëndimor dhe një pjesë të Mesdheut.

Kur bëhet fjalë për Kroacinë, ata po shpallin një rrezik të moderuar të stuhive në Kroacinë perëndimore.

Edhe ata paralajmërojnë për pjesën më të madhe të stuhisë pasdite e tutje.

Kështu, rreth orës 6 pasdite, ndryshimi i motit arriti në Zagreb. Shiu i madh i shoqëruar nga era, breshëri dhe bubullimat preku shumë pjesë të qytetit dhe të vendit. /Telegrafi/