Shfuqizohen disa dispozita ligjore për administratorët në Maqedoni

Gjykata Kushtetuese e Maqedonisë në seancën e sotme ka shfuqizuar dispozitat ligjore për nënpunës administrativë, të cilat kanë të bëjnë me verifikimin e besueshmërisë të dëshmive dhe intervistave, si dhe vendimin e Qeverisë për vërtetimin e rritjes së rrogës për nënpunësit administrativë, përcjell Telegrafi Maqedoni.

Janë shfuqizuar paragrafi 4 dhe 5 të nenit 42 nga Ligji për administratorë, me të cilët parashikohet se nëse organet kompetente vërtetojnë faj të kandidatit për deponim të dëshmive të rreme, janë të detyruar që në afat prej 30 ditëve ta njoftojnë Agjencinë për administratë, me çrast kandidati evidentohet në Agjencinë për administratë dhe nuk mund të punësohet si nënpunës administrativ në periudhë prej 10 vjet.

Gjykata ka shfuqizuar edhe paragrafin 3 të nenit 91 të Ligjit, i cili thotë se nëse Qeveria vlerëson se shtesa e rrogës e arrin efektin e arritur të punësimit dhe qëndrueshmërisë, do të marrë vendim me të cilin do ta konfirmojë vlerën e shtesës dhe datën, nga i cili i njëjti do të hyjë në fuqi./Telegrafi/