Shërbimi Sekret i SHBA-së ka njoftuar se ka çmontuar një rrjet pajisjesh elektronike pranë OKB-së në Nju Jork.
Shërbimi zbuloi se kishte identifikuar një "kërcënim të menjëhershëm" në formën e pajisjeve që mund të përdoren për të kryer sulme telekomunikacioni.
Kjo vjen ndërsa udhëheqësit globalë mblidhen në qytet për Asamblenë e Përgjithshme të OKB-së, transmeton Telegrafi.
Në përgjithësi, Shërbimi Sekret - i cili është përgjegjës për mbrojtjen e presidentit të SHBA-së, Donald Trump dhe zyrtarëve të tjerë të lartë - zbuloi rreth 300 servera SIM dhe 100,000 karta SIM të shpërndara në vende të shumta të Nju Jorkut.
Rrjeti i gjerë ishte i aftë të mbyllte rrjetet celulare dhe të mbronte komunikimin midis aktorëve armiqësorë, thanë nga Shërbimi Sekret.
Trump do të flasë në OKB më vonë këtë pasdite. E sipas drejtorit të agjencisë, Sean Curran, "potenciali për ndërprerje të telekomunikacionit të vendit i paraqitur nga ky rrjet pajisjesh nuk mund të ekzagjerohet".
Nuk pati raportime për ndonjë kërcënim specifik ndaj Asamblesë së Përgjithshme.
Por Shërbimi Sekret tha se veproi shpejt për të çmontuar rrjetin, pasi pajisjet përkatëse ndodheshin brenda një rrezeje prej 35 miljesh nga samiti global. /Telegrafi/
