Sheqerinska në Vermont: Treguam se Maqedonia është partner i besueshëm, në të cilën NATO mund të llogaris

Ministrja e Mbrojtjes, Radmila Sheqerinska gjatë vizitës në Shtetet e Bashkuara mbajti konferencë shtypi për mediat amerikane, përcjell Telegrafi Maqedoni.

Siç informojnë nga Ministria e Mbrojtjes, Sheqerinska në konferencën e shtypit është përgjigjur në pyetjet e gazetarëve për takimet me Guvernatorin dhe Komandantin e Gardës Kombëtare në Vermont, për qëllimin e vizitës zyrtare në Shtetet e Bashkuara, për mesazhet që ajo mori në takimet me zyrtarët në Uashington dhe rëndësinë e mbështetjes nga partneri strategjik për anëtarësimin e Maqedonisë në NATO.

“Qëllimi im është të kërkoj mbështetjen e partnerit strategjik të Maqedonisë, Shteteve të Bashkuara, përpara samitit të NATO-s. Maqedonia e meriton vendin e saj në NATO, kemi punuar shumë. Ne kemi treguar se Maqedonia është një partner i përkushtuar në të cilin anëtarët e Aleancës mund të llogarisin. Ne besojmë se ftesa për Maqedonia për anëtarësim në NATO do të kontribuojë për stabilitetin tonë, por edhe për stabilitetin në rajon dhe do të jetë në interesin e SHBA=së”, tha ministrja. /Telegrafi/