Sheqerinska: Na duhet bashkim për anëtarësimin në NATO

Ministrja e Mbrojtjes, Radmilla Sheqerinska dhe kapiteni i Marinës, Gorazd Bartol, shef i Zyrës për lidhje të NATO-s sot në majën e malit Bushevë uruan 8 Shtatorin – Ditën e Pavarësisë së Maqedonisë.

“Gjatë 26 viteve pavarësi kaluam nëpër momente të mira dhe të vështira, por treguam se kur kemi qëllim të njëjtë, kur jemi këmbëngulës dhe të qëndrueshëm, ai qëllim është i arritshëm. Sot na duhet bashkim rreth qëllimit të përbashkët strategjik – anëtarësim në NATO dhe BE”, tha ministrja Sheqerinska, përcjell Telegrafi Maqedoni.

Sipas saj, qëllimi ka qenë që festimi për 8 Shtatorin të mos jetë tipik dhe së bashku qytetarët e Krushevës dhe rajonit, të punësuar në Ministirnë e Mmbrojtjes dhe ARM, partnerë të NATO-s, atashetë ushtarak dhe kori diplomatik, të niset drejt një maje në Republikën e Maqedonisë.

Kapiteni i Marinës Bartol e uroi Ditën e Pavarësisë dhe shprehu bindje se të gjitha 29 vendet anëtare të NATO-s e mbështesin Maqedoninë të bëhet vendi anëtar i 30 i NATO-s.

Të shoqëruar nga ambasadorët e BE-së, Samuel Zhbogar, të Mbretërisë së Bashkuar, Charles Gareth, atashetë e mbrojtjes në Maqedoni, anëtarët e Shoqatës Alpiniste “Risto Karpush”, një numër i madh i qytetarëve të Krushevës sot ishin pjesë e ngjarjes “Së bashku drejt majës” e cila organizohet me rastin e Ditës së Pavarësisë. Ngjarja e sotme e simbolizon synimin e Republikës së Maqedonisë drejt anëtarësimit të plotfuqishëm në Aleancën Veri-Atlantike dhe lidhshmërinë e vendit tonë me vendet partnere./Telegrafi/