Shenjat që personi fsheh depresionin e rëndë: Ju luten butësisht për ndihmë!

Kur i ftoni që të shkoni diku, me siguri do t’ju thonë që janë të lodhur – që është njëra ndër shenjat e shpeshta të depresionit

Depresioni shpesh mund të përfundojë me fatalitet. Njerëzit të cilët u janë afër personave të cilët zakonisht vuajnë nga depresioni zakonisht nuk e vërejnë, por disa simptoma nuk i shohin apo i lidhin me diçka tjetër, transmeton Telegrafi.

Këto janë disa karakteristika të “depresionit të fshehur”, përkatësisht forma depresioni kur personi fsheh gjendjen e tij psikike:

– Personi nuk duket depresiv dhe këtë e fsheh mirë. Ndonjëherë ai person buzëqesh në mënyrë artificiale dhe bën “fasada” me të cilat fsheh pikëllimin dhe depresionin. Kështu ndodh për shkak se nuk dëshiron që të tjerëve t’u tregojë se çfarë e mundon.

– Shumë lehtë do t’i pengojë çdo gjë dhe shumë lehtë do të hidhërohen. Mjaft gjëra fillojnë që t’i nervozojnë dhe t’i pikëllojnë, njerëzit, dukuritë.

– Ndaj disa situatave dhe dukurive më nuk do të reagojnë njësoj. Zakonisht ata persona janë të pikëlluar dhe sillen me indiferencë. Edhe pse nuk janë vazhdimisht të pikëlluar, sepse këtë zakonisht mjeshtërisht e fshehin, do të vëreni pikëllimin dhe së paku disa ndryshime.

– Më nuk punojnë disa gjëra si më parë, as aktivitetet të cilat më parë i kanë dashur dhe rregullisht i kanë bërë. Tërhiqen në vetvete dhe shpesh do të refuzojnë ftesat për takime dhe shoqërime.

– Më me dëshirë do të flinin, sepse thjesht nuk kanë vullnet për asgjë. Do t’ju thonë ndoshta se flenë shumë, mirëpo nuk do t’jua zbulojnë shkakun e vërtetë. Shpesh ankohen që janë të lodhur, pra kjo është njëra ndër simptomat e shpeshta të depresionit.

Lexo po ashtu A është e sigurt që femrat depresive bëjnë seks më shumë?

– Ndryshojnë shprehitë e ushqimit, disa do të hanë më pak dhe do të dobësohen mjaft për shkak të depresionit dhe stresit, ndërsa disa do të kërkojnë ngushëllim në ushqim dhe do të hanë shumë.

Ilaçi më i mirë për depresion është të jenë në rrethin e njerëzve të dashur dhe pozitivë. Shoqërohuni, bëni shaka dhe qeshni sa më shumë, kështu më së shpejti do të shëroheni.

Çdo person ndonjëherë në jetë kalon nëpër periudhë pikëllimi apo depresioni, mirëpo në situata të tilla patjetër duhet të jeni optimistë, qoftë që të jeni në depresion ju apo ndonjë personi u juaji i dashur. /Telegrafi/