LAJMI I FUNDIT:

SHBA po heton Neuralink të Elon Musk mbi patogjenët e rrezikshëm

SHBA po heton Neuralink të Elon Musk mbi patogjenët e rrezikshëm

Departamenti Amerikan i Transportit tha të enjten se po heton kompaninë e implanteve të trurit të Elon Musk, Neuralink mbi lëvizjen potencialisht të paligjshme të patogjenëve të rrezikshëm.

Një zëdhënës i Departamentit të Transportit i tha Reuters për hetimin pasi Komiteti i Mjekëve të Mjekësisë Përgjegjëse (PCRM), një grup mbrojtës i mirëqenies së kafshëve, i shkroi Sekretarit të Transportit Pete Buttigieg më herët të enjten për ta njoftuar atë për të dhënat që kishte marrë për këtë çështje.

Komiteti i Mjekëve të Mjekësisë Përgjegjëse tha se kishte marrë email dhe dokumente të tjera që sugjerojnë paketim të pasigurt dhe lëvizje të implanteve të hequra nga truri i majmunëve. Këto implante mund të kenë bartur sëmundje infektive në kundërshtim me ligjin federal, shtoi Komiteti në shkrimin e tyre, transmeton Telegrafi.


Zëdhënësi i Departamentit të Transportit tha se agjencia i mori “shumë seriozisht” akuzat e bëra nga Komiteti i Mjekëve të Mjekësisë Përgjegjëse.

“Ne jemi duke e kryer një hetim në mënyrë që të sigurohemi se Neuralink është në përputhje me rregulloret federale dhe se kompania po i mbanë punëtorët e tyre dhe publikun të sigurt ndaj patogjeneve potencialisht të rrezikshme”, deklaroi zëdhënësi në fjalë.

Përfaqësuesit e Neuralink, duke përfshirë edhe Musk, nuk u përgjigjën ndaj kërkesave për koment në lidhje me rastin, të cilat u bënë nga Reuters.

Hetimi i Departamentit të Transportit i shton shqyrtimit me të cilin përballet Neuralink, kompania e cila po zhvillon një implant truri që shpreson se do t’i ndihmojë njerëzit e paralizuar të ecin përsëri dhe të kurojë sëmundje të tjera neurologjike. /Telegrafi/

Në trend Teknologji

Më shumë
iPhone i ri mund të kushtojë 2300 dollarë - shkaku i tarifave të Trumpit ndaj Kinës

iPhone i ri mund të kushtojë 2300 dollarë - shkaku i tarifave të Trumpit ndaj Kinës

Teknologji
Nintendo Switch 2 do të dalë në treg me çmim prej mbi 400 euro

Nintendo Switch 2 do të dalë në treg me çmim prej mbi 400 euro

Lojëra
Apple humbi gati 300 miliardë dollarë nga vlera e tregut shkaku i tarifave të Trumpit

Apple humbi gati 300 miliardë dollarë nga vlera e tregut shkaku i tarifave të Trumpit

Teknologji
Policia në Danimarkë merr një qasje unike për parandalimin e krimit - luan CS:GO

Policia në Danimarkë merr një qasje unike për parandalimin e krimit - luan CS:GO

Teknologji
Një mashtrim po përhapet shtet më shtet - FBI paralajmëron të gjithë përdoruesit e iOS dhe Android që t'i fshijnë menjëherë këto mesazhe

Një mashtrim po përhapet shtet më shtet - FBI paralajmëron të gjithë përdoruesit e iOS dhe Android që t'i fshijnë menjëherë këto mesazhe

Teknologji
Arabia Saudite instalon

Arabia Saudite instalon "fenerët laser" me energji diellore për të ndihmuar udhëtarët e humbur të shkretëtirës

Teknologji
Kalo në kategori