SHBA mirëpret tregun e përbashkët energjetik Kosovë-Shqipëri

Shtetet e Bashkuara të Amerikës thanë se mbështesin me krenari marrëveshjen për bashkimin e tregjeve energjetike ndërmjet Shqipërisë dhe Kosovës.

Ambasadorja amerikane Yuri Kim në një cicërimë në Twitter shkroi se ky bashkëpunim është i barabartë me fuqi më të madhe negociuese dhe gjithashtu i barabartë me çmime më të ulëta dhe më pak ndërprerje energjie.

Kim iu referua marrëveshjes që firmosën në Tiranë dy ditë më parë drejtuesit e Enteve Rregullatorë ERE, ZRRE, si dhe administratorët e të dy operatorëve të Sistemit të Transmetimit OST dhe KOSTT për bashkimin e tregjeve të energjisë elektrike Shqipëri dhe Kosovë, raporton RTK.

Lexo po ashtu Nënshkruhet marrëveshja e bashkëpunimit në tregjet e energjisë elektrike Shqipëri–Kosovë

“Shqipëria dhe Kosova nënshkruan marrëveshjen për të bashkuar tregjet e energjisë elektrike. “Bashkim” = fuqi më e madhe negociuese = çmime më të ulëta dhe më pak ndërprerje energjie. Si pjesë e mbështetjes së SHBA për sigurinë energjetike dhe integrimin rajonal, @USAID do të punojë me Shqipërinë dhe Kosovën për të krijuar shkëmbimin e forcave dhe për të lëvizur energjinë elektrike”, ka shkruar ambasadorja Kim.

🇦🇱 & 🇽🇰 signed 10/21 framework agreement to couple electricity markets. “Coupling” = greater bargaining power = lower prices & fewer blackouts. As part of 🇺🇸 support for energy security & regional integration, @USAID will work w/ 🇦🇱🇽🇰 to establish power exchange & get ⚡ flowing! pic.twitter.com/jUgrzemFcO

— U.S. Ambassador to Albania (@USAmbAlbania) October 22, 2021

USAID-i në Shqipëri gjithashtu tha se e mbështeste me krenari Shqipërinë dhe Kosovën “teksa këto dy vende shënojnë një tjetër arritje të rëndësishme drejt bashkimit të tregut të energjisë elektrike”.

“Një treg i përbashkët i energjisë elektrike midis Shqipërisë dhe Kosovës do të jetë një mjet i fuqishëm për të zgjidhur sfidat e energjisë me të cilat po përballet rajoni, individët dhe bizneset”, komentoi ambasada amerikane me postimin për USAID-in.