SHBA-ja i vendos sanksione aleatit të Putinit dhe 17 zyrtarëve kinezë

Shtetet e Bashkuara njoftuan sot se kanë vendosur sanksione ndaj personave që pretendohet se shkelin të drejtat e njeriut në Rusi, Jemen dhe Haiti.

SHBA-ja renditi në listën e zezë abuzuesit e pretenduar të të drejtave të njeriut, duke përfshirë Ramzan Kadyrov, një aleat i presidentit rus, Vladimir Putin.

Sanksionet do të vendosen gjithashtu për tre persona në Haiti, për shkelje të pretenduara të të drejtave të njeriut, si dhe për pesë persona të lidhur me agjencitë e sigurisë dhe inteligjencës të kontrolluara nga Hutu në Jemen, raporton reuters.

Departamenti i Shtetit i SHBA-së njoftoi sot sanksione kundër 17 zyrtarëve të Kinës dhe qeverive të tjera të huaja, si dhe anëtarëve të familjes së tyre të ngushtë, për shkelje serioze të të drejtave të njeriut.

Midis zyrtarëve janë individë nga El Salvador dhe Xhamajka, tha Sekretari i Shtetit i SHBA-së, Mike Pompeo, duke shtuar se një kinez u sanksionua për përfshirje në “shkelje të mëdha të të drejtave të njeriut” nga anëtarët e lëvizjes fetare Falun Gong.

Kujtojmë se kjo lëvizje u themelua në 1992 gjersa shtatë vjet më vonë u shpall heretik në Kinë. /Telegrafi/