SHBA-ja kërkon lirimin e menjëhershëm të Navalnyt

Alexei Navalny, i cili u arrestua sonte, duhet të lirohet menjëherë, tha Jake Sullivan, këshilltari i sigurisë kombëtare të presidentit, Joe Biden.

“Sulmet e Kremlinit ndaj Navalnyt nuk janë vetëm shkelje e të drejtave të njeriut, por edhe një fyerje ndaj popullit rus që dëshiron të dëgjohet zëri i tyre”, tha Sullivan.

Lexo po ashtu Kritikuesi i Putinit, Navalny arrestohet pas arritjes në Moskë

Policia ruse arrestoi opozitarin rus në Aeroportin Sheremetyevo sonte ndërsa po përgatitej të kalonte kontrollin e pasaportës, transmeton Telegrafi.

Mr. Navalny should be immediately released, and the perpetrators of the outrageous attack on his life must be held accountable. The Kremlin’s attacks on Mr. Navalny are not just a violation of human rights, but an affront to the Russian people who want their voices heard.

— Jake Sullivan (@jakejsullivan) January 17, 2021

Byroja për Ekzekutimin e Sanksioneve Penale njoftoi se rusi do të jetë në burg deri në vendimin e ardhshëm të gjykatës.

Lexo po ashtu Autoritetet shtetërore ruse thonë se Navalny është në paraburgim, zëdhënësja nuk e di se ku është kritikuesi i Putinit

Navalny vendosi të kthehej në Rusi edhe pse e dinte që mund të arrestohej. Kundërshtari i Kremlinit ishte në Gjermani, ku u transferua në muajin gusht pasi u sëmurë papritmas sepse ishte helmuar me një agjent nervor.

Navalny akuzoi presidentin rus, Vladimir Putin për urdhërimin e helmimit dhe vrasjen e tij. Kremlini ka mohuar akuzat. /Telegrafi/