Shaqiri: Ndërtojmë sistem arsimor që i drejton të rinjtë drejt respektimit të diversitetit

Ekziston një ndërgjegjësim në rritje se përdorimi i gjuhës së urrejtjes mund të ketë pasoja serioze në marrëdhëniet ndërmjet individëve, grupeve më të vogla dhe më të mëdha shoqërore dhe të prishë paqen në vend. Kështu arritëm të shndërroheshim nga një shoqëri në të cilën në fillim të mijëvjeçarit të dytë, pikërisht për shkak të intolerancës etnike dhe gjuhës së urrejtjes të ushqyer nga nacionalizmi, erdh deri në një konflikt ushtarak. Kështu deklaroi ministri i Arsimit dhe Shkencës, Jeton Shaqiri, në seancën e sotme të Komisionit për marrëdhënie ndërmjet komuniteteve, ku janë marrë rezultatet e studimit të titulluar “Gjuha e urrejtjes si valutë e nacionalizmit: përgjigje institucionale në Maqedoninë e Veriut”, të realizuar nga Instituti për Demokracinë.

Shaqiri tha se ky transformim i shoqërisë nuk do të ndodhë vetvetiu, gjegjësisht faktori kohë nuk do të mjaftonte nëse institucionet e sistemit, shoqëria civile, organizatat vendore dhe ndërkombëtare dhe të gjithë faktorët tjerë nuk bëjnë hapa konkretë.

“Nga pozicioni i ministrit të Arsimit dhe Shkencës, por edhe si person që vjen nga mjedisi akademik, mbroj pikëpamjen se shumica e të menduarit dhe përgjithësisht sjellja e njerëzve në të gjithë brezin mund të ndikohet përmes edukimit. Prandaj, ne duhet të vazhdojmë të ndërtojmë një sistem arsimor përmes të cilit të gjithë do të edukohen dhe do të fitojnë vlerat e vërteta njerëzore, morale, etike dhe më në fund qytetare që duhet t’i posedojmë, për të forcuar shoqërinë dhe shtetin për të përparuar”, tha Shaqiri.

Ai informoi se ndryshimet që po bën Ministria e Arsimit dhe Shkencës në arsimin fillor, aktualisht bazohen ndër të tjera në këto vlera./Telegrafi/