Ardian Ismajli e ka nisur për mrekulli sezonin e ri në elitën e futbollit italian Serie A.
Qendërmbrojtësi shqiptar po shkëlqen me fanellën e Empolit, teksa është vlerësuar lartë për katër paraqitjet e para.
Faqja e specializuar për statistika dhe nota të futbollistëve 'SofaScore', ka publikuar formacionin e muajit gusht në Serie A, ku Ismajli është pjesë e tij.
Prishtinasi zë vend në qendër të mbrojtjes së bashku me Min-Jae të Napolit, derisa krahët janë të mbuluar nga Calabria i Milanit dhe Parisi i Empolit.
25-vjeçari ka marrë notën e tretë më të mirë, pas portierit Radu që vlerësohet me 7.80 dhe Pellegrinit që ka marrë notën 7.55.
Ismajli është vlerësuar me notën 7.45, ndërsa është i vetmi shqiptar që luan në Seria A që është pjesë e këtij formacioni. /Telegrafi/
