Selmanaj flet për përplasjen në Kuvend, fajëson Nagavcin

Zëvendëskryeministri i Kosovës, Driton Selmanaj, ka treguar se si erdhi deri tek përplasje mes deputetëve në Kuvendin e Kosovës.

Ai ka fajësuar nënkryetaren e Kuvendit, Arberie Nagavci,  për tendencë për të krijuar situata të pazakonta.

“Jo isha në pjesën ku qëndroi qeveria. Nuk kisha thënë përleshje fizike por ishte situatë e tensionuar. Kjo për dy arsye. E para për udhëheqjen skandaloze nga nënkryetarja Nagavci e cila e ka përcaktuar vetë rregulloren dhe ka lejuar të ketë rrëshqitje dhe tendenca për të krijuar situata të pazakonta. Është hera e dytë që po trajtohet kjo çështje nga në Kuvend e thirrur nga VV. Nuk po ofrohet zgjidhje për të ofruar afërsi për ata që nuk janë gjetur dhe familjarët e tyre”, thotë ai në T7.

Lexo po ashtu Tensione dhe përplasje mes deputetëve të LVV-së dhe LDK-së

“Kishte përplasje me fjalë mes Arben Gashit dhe Saranda Bogujevcit dhe pastaj e Gashit me zonja Kusari Lila. Nuk ka pasur debat me Hajrullah Çekun dhe Hekuran Muratin. Vjen një moment kur Gashi tha mjaft më. Mos shpifni. Referencat ishin shpifëse. Fjalimi im u lexua në gjysmë nga ana e zonjës Bogujevci. Tërësisht tendencioze. Unë kam thënë instrumenti i raportimit për këtë temë është konsumuar. Jo është konsumuar tema e të pagjeturve. Ajo nuk konsumohet kurrë”, shton Selmanaj.