Deputeti i PSD-së, Dardan Sejdiu përmes një postimi në Facebook, ka thënë se Partia Socialdemokrate është e vetmja që ka votuar sot unanimisht për rezolutën për dialog me Serbinë.
Sejdiu ka shkruar se presidenti Thaçi nuk ka legjitimet për ta bartur procesin e dialogut.
"Kjo përgjegjësi i takon Kuvendit të Republikës, prej ku duhet të burojnë platforma shtetërore, ekipi dhe mekanizmat mbikëqyrës", ka shkruar Sejdiu.
Postimi i plotë:Partia Socialdemokrate është e vetmja që ka votuar sot unanimisht për Rezolutën për dialogun me Serbinë, të propozuar nga një pjesë e opozitës. Të gjithë deputetët e PSD-së, pa asnjë përjashtim. Presidenti Thaçi nuk ka legjitimitet për ta bartur procesin e dialogut. Kjo përgjegjësi i takon Kuvendit të Republikës, prej ku duhet të burojnë platforma shtetërore, ekipi dhe mekanizmat mbikëqyrës. Koha po dëshmon se opsioni i Partisë Socialdemokrate i propozuar para disa muajve mbetet propozimi më serioz dhe më përmbajtjesor për procesin e dialogut me Serbinë. /Telegrafi/
