Samsung lanson Galaxy J4 Core me Android GO

Ndërkohë që telefonat e mençur të nivelit të lartë sigurisht bëjnë lajm dhe publicitet më të mirë, dhe gjithashtu bëjnë një punë të suksesshme në shfaqjen e teknologjisë së një kompanie, çmimi i pajisjeve të tilla zakonisht do të thotë se ka një numër të mirë klientësh që nuk mund t’i përballojnë ato.

Lajm i mirë është se nëse jeni në treg për një telefon të volitshëm Android që nuk do të lodhë llogarinë tuaj bankare, Samsung mund të ketë diçka për ju në formën e Samsung Galaxy J4 Core. Ky është telefoni më i fundit Android Go i kompanisë dhe pason Galaxy J2 Core që u njoftua në gusht të këtij viti.

Sa i përket specifikave, ne po shohim përdorimin e një ekrani 6 inç 1480 × 720. Do të ketë gjithashtu një procesor katër-bërthamor 1.4GHz së bashku me 1GB RAM dhe 16GB hapësirë ​​të zgjerueshme nëpërmjet kartelës microSD.

Ekziston edhe një kamerë 8MP në pjesën e prapme, një aparat fotografik me 5MP përballë dhe një bateri 3.300mAh me Android 8.1 Oreo (Go edition) të instaluar paraprakisht. Nuk ka asnjë informatë për çmimet ende, por duke pasur parasysh se ky është një telefon Android Go, nuk pritet të kushtoj shumë. /Telegrafi/