Lansohet edhe Samsung Galaxy S10e, modeli i lirë i linjës së re nga Samsung (VIDEO)

Samsung Galaxy më i volitshëm i familjes së re S10 është Galaxy S10e.

Prodhuesi i telefonave thotë se është projektuar për ata që duan një pajisje më të vogël, por nuk duan të bëjnë kompromis në specifikat kryesore: me një ekran 5.8 inç është telefoni më kompakt prej të katërve, por ende paketon një ekran Infinity-O AMOLED.

Për këtë, mund të thuhet se është një konkurrent i qartë për iPhone XR të Apple.

Ashtu si të gjitha modelet e linjës Galaxy S10, S10e përdor procesorin Snapdragon 855 të Qualcomm.

Do të ketë dy memorie dhe mundësi ruajtje: 6GB RAM me 128GB hapësirë ruajtëse, ose 8GB RAM me 256GB hapësirë ruajtjeje. Të dy modelet kanë një kartelë microSD që mbështet memoriet deri në 512GB në madhësi.

Çmimi do të kushtojë 749.99 dollarë dhe do të dalë për para-porosi më 23 shkurt, para se të mbërrijë në dyqane më 8 mars. Ata që bëjnë para-porosi, do të marrin një set të Galaxy Buds falas. Opsionet e ngjyrave në SHBA do të përfshijnë Prism Black, Flamingo Pink, Prism Blue dhe Prism White. /Telegrafi/