Rrugëtim inspirues: Nga mjeshtër i ujit në bodibuilder me miliona ndjekës në Instagram

Nëse i shikoni muskujt e barkut të Ryan-it dhe bicepsët e fryrë, shumë lehtë mund të supozoni se ylli i fitnesit është marrë me bodibuiliding gjatë tërë jetës së tij.

Por vetëm para shtatë vjetëve, fituesi i dyfishtë i çmimit ‘Arnold Classic’ ishte duke punuar me orar të plotë si mjeshtër uji dhe inxhinier gazi, ndërsa njëkohësisht përpiqej të gjente kohë për palestër pas punës 12-orëshe, transmeton Telegrafi.

“Unë zgjohesha rreth orës 4 ose 5 të mëngjesit për t’i bërë ushtrimet kardio dhe për t’i përgatitur shujtat e ditës. Punën e filloja në 7 të mëngjesit dhe ushtroja në mbrëmje kur e përfundoja punën”, rikujton ai.

“Shumë njerëz më thonë se do të kishin dashur ta kishin jetën time – se gjithçka ka qenë e lehtë për mua. Por shumë pak e dinë se fillimi ka qenë tejet i vështirë për mua”, shton ai.

Terry, i cili thotë se ka filluar të merrej me fitnes në mënyrë që ta rritë vetëbesimin e tij, tani është duke garuar edhe në garat më të njohura në botë, ku vitin e kaluar ka arritur ta fitojë çmimin e njohur ‘Arnold Classic’.

Ai thotë se para garave zakonisht i nënshtrohet një regjimi strikt ushtrimor, ku stërvitet dy herë në ditë. Në mëngjes, me stomak bosh, bën ushtrime kardio, ndërkaq në mbrëmje bën peshëngritje.

Përveç ushtrimeve fizike, ai kujdeset edhe për mënyrën e të ushqyerit – Terry i konsumon gjashtë shujta të ‘pastra’ në ditë, të cilat janë përzierje e shëndetshme e karbohidrateve, yndyrave dhe proteinave.

https://instagram.com/p/BhV4_HIBVzi/?utm_source=ig_embed

Gjatë një dite të zakonshme ai kryesisht konsumon oriz, patate të ëmbla ose tërshërë, bashkë me mish, salmon dhe gjëra tjera.

Përgjatë viteve të fundit, rrugëtimin e tij ai e ka ndarë me fansat në Instagram, ndërkaq numri i ndjekësve të tij tani është mbi një milion – numër i cili e befason atë!

_________________________________________________

 “Fitnesi është sport egoist, pavarësisht sa shumë kujdeseni për të. Duhet të kujdeseni tej mase për ushqimin, ushtrimet fizike dhe gjumin duhet ta bëni kualitativ”

_________________________________________________

https://instagram.com/p/BgcBrF8BxRm/?utm_source=ig_embed

Por, çfarë këshillash ka për ju mashkulli më ‘fit’ i Britanisë?

“Filloni ta kuptoni më mirë metabolizmin tuaj, dhe sigurohuni se jeni duke ngrënë mjaftueshëm për t’i mirëmbajtur muskujt. Shumica e njerëzve mendojnë se janë duke ngrënë mjaftueshëm, por ju nuk duhet të konsumoni kalori të këqija – pra nuk duhet të konsumoni ushqime të shpejta. Vlen të ceket se unë peshoj 90kg, prandaj mua më nevojiten 180g proteinë për t’i mirëmbajtur dhe ndërtuar muskujt.

Edhe BCAA-të (amino acide) janë të rëndësishme. Këto mund t’i merrni përmes ushqimeve natyrale, por edhe si suplemente. Kështu që nëse shtoni muskuj, dhe nuk dëshironi t’i humbni, amino acidet e tilla janë mënyrë e mirë për t’i mirëmbajtur dhe riparuar ato”. /Telegrafi/

https://instagram.com/p/BgEFR2OhHt1/?utm_source=ig_embed