Rruga Poroj-Xhermë akoma e pa pastruar pas reshjeve

Pesë ditë nga vërshimet rruga nga Poroji për në Gjermë mbetet akoma e bllokuar. Për shkak të rrugës së bllokuar, familja Bajrami mbetet jashtë shtëpisë së tyre. Banorët shprehen të revoltuar me mos interesimin e autoriteteve lokale, duke apeluar që Komuna urgjentisht të zgjidh këtë problem.

“Frikë ka gjithë fshati, i madh e i vogël. Gjithnjë këtu ka vërshime. Derisa nuk merr iniciativë shteti, komuna ne jemi gjithnjë në ankth e në frikë. Rrugën nuk e kanë pastruar por edhe nuk kanë mundësi ta pastrojnë pa vendos diga, kaskada, ja e shihni çka është bë lumi. Ujë nuk ka fshati vetëm një çezmë e kemi aty lartë”

Kreu i Bashkësisë Lokale të Porojit, Sulejman Ramadani tha se përpos premtimeve nga Komuna, në terren deri tani nuk ka dalë askush.

Të komunës dje ishin, aktiv kanë qenë këtu, presim të shohim a do ndihmojnë diçka për ta pastruar këtë rrugë për ta heq këtë material, si do bëhet tutje do shohim – tha Sulejman Ramadani, kryetar i BL-së Poroj.

Pos rrugës së bllokuar dhe shkatërrimit të ujësjellësit, Poroji ka pësuar dëme edhe në fushat e mbjella dhe rrugët e fushave./alsat/