Tre kalimtarë rasti kanë fituar epitetin e heronjve pasi arritën ta shpëtojnë një polic në Kaliforni nga më e keqja, pasi po rrihej brutalisht nga një kalimtar i cili e kishte shtrirë në asfalt dhe vazhdimisht e godiste.
Polici kishte pranuar një telefonatë në drejtim të autostradës numër pesë në Santa Ana, se një burrë po u bërtiste shoferëve dhe po tentonte të dëmtonte shenjat e komunikacionit, transmeton Telegrafi.
Me të arritur në vendin e ngjarjes, polici filloi ta paralajmërojë, por ai menjëherë e sulmoi dhe arriti ta rrëzojë në tokë – duke e goditur vazhdimisht me grushta.
Ishin tre burra që vrapuan dhe i dolën në ndihmë policit që po pësonte lëndime të rënda në fytyrë. Ata e kapën sulmuesin dhe e përplasën për tokë duke mos e lënë të ngritet derisa arritën patrullat e tjera të policisë.
“Mendova për fëmijët e mi në ato momente. Të njëjtën kohë nuk mendova se polici mund të ketë pasur familje. Grushtova sulmuesin në brinjë dhe filloi të tërhiqet. Frikësohesha që do t’ia merr revolen policit dhe do të shtie në drejtim të kalimtarëve”, tha njëri prej heronjve. /Telegrafi/
