Rrëzohet një aeroplan mjekësor, të paktën pesë të vdekur në Nevada

Autoritetet po hetojnë rrëzimin e një aeroplani në Stagecoach, Nevada, që la të paktën pesë persona të vdekur.

Zyra e Sherifit të Qarkut Lyon njoftoi se aeroplani drejtohej nga “Care Flight”, një shërbim i Autoritetit Shëndetësor Rajonal të Shërbimeve Mjekësore Emergjente, me seli në Reno.

“Më 24 shkurt 2023, rreth orës 09:15, Qendra Dispeçer e Qarkut Lyon mori telefonata të shumta për një rrëzim të mundshëm aeroplani në Stagecoach, Nevada”, tha sherifi, Brad Pope.

Care Flight, a service of REMSA Health, headquartered in Reno, Nevada and Guardian Flight, headquartered in Utah, can confirm that a PC 12 fixed wing aircraft, tail number N273SM, went off radar Friday, Feb. 24, at approximately 9:45 p.m., near Stagecoach, Nevada.

— REMSA Health (@REMSAHealth) February 25, 2023

Aeroplani raportohet se kishte pesë pasagjerë në bord, duke përfshirë një pilot, një infermiere, një ndihmës mjek dhe një pacient. Asnjëri prej tyre nuk shpëtoi i gjallë.

“Rreth orës 23:15, aeroplani u lokalizua”, tha Pope, raporton nypost.

Informacione të mëtejshme do të jepen sapo të bëhen të disponueshme, shtoi sherifi.

REMSA Health, një ofrues i shërbimeve mjekësore emergjente, gjithashtu konfirmoi përplasjen dhe deklaroii se ka njoftuar anëtarët e familjeve të të ndjerëve. /Telegrafi/

Watch the latest video at foxnews.com