Rrëfimi inspirues i atletit të verbër Florian Zeka i cili vrapoi 10 kilometra në “Maratonën e Prishtinës”

Sporti është një botë e cila i përfshin të gjithë, e një sportist i cili merret me atletikë është Florian Zeka  nga Gjakova.

Edhe pse i verbër Zeka së fundmi ishte pjesë e maratonës së Prishtinës dhe në rrëfim për Telegrafin, Zeka foli rreth asaj se si ka ardhur deri tek vendimi që të marrë pjesë në këtë maratonë.

Paraqitja e tij dorë për dore me mikun e tij, Kristijan Gashi dhe vrapimi për 10 kilometra, bëri që Zeka të marr lavdata dhe duartrokitje nga të gjithë.

“Vendimi ka ardhur si shkak i anëtarësimit të Kosovës në Komitetin Paralimpik tash e një vit, edhe kjo i mundëson të gjithë sportdashësit që janë me nevoja të veçanta që të garojnë në disiplina të ndryshme, edhe unë e kam parë veten si atlet, dhe kam menduar që të marr pjesë në këtë maratonë, me synim që në të ardhmen ta përfaqësoj Kosovën në gara ndërkombëtare”, deklaroi Zeka për Telegrafin.

I pyetur për ndjesinë që kishte gjatë pjesëmarrjes së tij në këtë maratonë, Zeka deklaroi që ka qenë një ndjesi e veçantë.

“Pjesëmarrja ime në këtë maratonë është një ndjesi e veçantë, për shkak që është hera e parë në Kosovë që një i verbër garon në një maratonë, edhe kjo më ka dhënë një ndjesi shumë të veçantë”, deklaroi Zeka për Telegrafin.

Për emocionet e tjera, karrierën sportive të Floriam Zekës, ju ftojmë ta ndiqni rrëfimin e tij në linkun e mëposhtëm.