Manchester United e ka mbyllur pjesën e parë me epërsi 2-1 ndaj Evertonit në sfidën që po luhet në kuadër të javës së dhjetë në Ligën Premier.
Alex Iwobi kishte shënuar golin e parë e takimit në minutën e pestë.
Por, Djajtë e Kuq i barazuan shifrat me anë të Antony që realizoi në minutën e 15-të me një asistim të Anthony Martialit.
Francezi më pas pësoi lëndim dhe u detyrua të lëshonte fushën në minutën e 29-të, ndërsa në vend të tij u fut Cristiano Ronaldo.
Ylli portugez ia doli që në minutën e 44-të shënoi për 2-1 për Unitedin, ndërsa Casemiro ishte asistuesi.
Ky ishte goli i 700-të në nivel klubesh për pesë herë fituesin e Topit të Artë. /Telegrafi/
