Roma ka arritur të shënojë fitore me lehtësi, duke e mposhtur Entellan me rezultat 4-0.
Romakët e kishin më të lehtë se sa u mendua me klubin që aktualisht garon në Serie C.
Që në minutën e parë u shënua goli i epërsisë me Patrick Schick që realizoi bukur me thembër pas asistimit të Under.
Çeku asistoi edhe tek goli i dytë kur pasoi bukur në tollovi për Marcanon (2-0).
Ivan Marcano duke shënuar . (Photo by Paolo Bruno/Getty Images)
Pjesa e parë u mbyll me këtë rezultat.
Në pjesën e dytë Roma nuk e largoi këmbën nga gazi duke vazhduar me ritmin e njëjtë.
Schick arriti ta shënojë golin e dytë personal, ku shënoi për 3-0 nga distanca.
Pamje nga festa e Romës (Photo by Paolo Bruno/Getty Images)
Ndeshjen e mbylli goli i Javier Pastores që realizoi në minutën e 74-të.
Roma ka kaluar në çerekfinale të Kupë së Italisë ku do të takohet me Fiorentinën. /Telegrafi/
https://twitter.com/ASR_SF/status/1084904351578157056
https://twitter.com/viavideogoals/status/1084916898406563845
