Rikthimi i frikshëm i Liridon Latifit – flet për Puskasin, ofertat, të ardhmen dhe Superligën e Kosovës

Liridon Latifi është kryer në protagonist pas një sezonin mes shumë lëndimeve dhe problemeve, ndërsa shënoi het-trik në ndeshjen që skuadra e tij Puskas Akademia e fitoi si mysafir i Paks.

Sulmuesi anësor që mund të luajë edhe në krahë, ka qenë gjithmonë shumë i dashur për publikun në Kosovë, por edhe në Shqipëri.

Karrierën e kishte nisur te Flamurtari ku si 16 vjeçar debutonte dhe shënonte në Superligën e Kosovës, ku ra në sytë e Prishtinën që nënshkruan me të.

Nga aty vazhdoi te Skënderbeu në Shqipëri, ku ngjiti shkallët e karrierës.

Me Skënderbeun luajti në Ligën e Evropës ku shënoi edhe gola, ndërsa pas paraqitjeve të mirë në vitin 2017 kaloi te Puskas Akademia.

Pas problemeve me lëndime dhe adaptim në klub, lojtari në një intervistë për Telegrafin tregon se tashmë është mirë dhe i lumtur me formën që po kalon.

Lexo po ashtu Liridon Latifi me het-trik e dërgon Puskasin në çerekfinale

Në ndeshjen e fundit të Kupës edhe pse skuadra e tij ishte në disavantazh 2-1 nga ndeshja e parë në të dytën fituan 3-1 për të kaluar tutje dhe kjo falë tri golave të sulmuesit shqiptar.

“Padyshim po ndjehem mire sepse për një futbollist është një kënaqësi e madhe te shënosh het-trik e sidomos kur e dërgon skuadrën përpara”, tregon Latifi për ndjesinë e golave.

Në këtë ndeshje luajti në qendër të sulmit, por shpesh u ndërrua me bashkëlojtarët e tjerë në pozita.

“Nuk ka qene diçka e pa pritur sepse kam dhe ndeshje te tjera qe kam luajtur sikur sulmues, por në këtë ndeshje kemi qene tre anësorë në sulem dhe gjatë gjithë kohës kemi bërë ndërrime vendesh”.

Ai shton se lëndimet kanë mbetur pas dhe tani ndjehet mirë:  “Po është e vërtetë që kam pasur lëndime dhe probleme të tjera vitin e kaluar, por shpresoj që këtë vit të jetë një vit i mbarë për mua”.

Lexo po ashtu Viti i Liridon Latifit - Shkëlqimi në Ligën e Evropës me Skënderbeun, transferimi në Hungari dhe ftesa e Kombëtares shqiptare

Dimri ka mundur ta ndajë sulmuesin këmbëshpejtë nga klubi i Puskasit ku ofertat nuk kanë munguar, por ka qenë klubi që i ka refuzuar ofertat.

“Kam pasur oferta që të largohem, por ishte klubi qe nuk dëshironte largimin tim”, thotë Latifi për Telegrafin.

Ai thotë se jeta në Hungari është shumë e mirë por i mungon gjithmonë vendlindja e tij Prishtina.

Ai mbetet fans i Superligës së Kosovës dhe thotë që gjithmonë kur ka kohë i shikon ndeshjet.

“ Po e përcjell ndeshjet sepse i kam te gjitha programet shqiptare dhe sa here kam mundësin i shoh ndeshjet. Më shumë i shikoj ndeshjet e Prishtinës edhe të Flamurtarit. Shpresoj që Prishtina te jetë kampion dhe Flamurtarit mos te rrezikohet për zonën e barazhit”, përfundoi Latifi.

Latifi në karrierën e tij përveç ekipeve i ka edhe pesë ndeshje me Kombëtaren A shqiptare. /Telegrafi/