Rikthehet ora verore, të dielen akrepat lëvizin një orë përpara

Natën mes së shtunës të datës 24 dhe të dielës 25 mars, kthehet ora zyrtare, kur akrepat lëvizin një orë përpara. Në këmbim të një ore gjumë më pak do të kemi një orë dritë më shumë.

Momenti zyrtar i ndërrimit të orës është pikërisht në orën 02:00, atëherë kur akrepat kalojnë 60 minuta para duke shënuar 03:00. Ora verore do të zgjasë deri më 30 tetor, që do të jetë e diela e fundit të tetorit.

Rregulli i ndryshimit të orës është vendosur që në shekullin e tetëmbëdhjetë, ku i pari ka qenë Benjamin Franklin i cili hodhi teorinë se me realizimin e tij, do të kursehej shumë energji.

Ndërsa një shekull më vonë (në vitin 1907), teoria e tij u mor nga britaniku Uillett Uilliam, i cili e paraqiti atë në Dhomën e Komuneve e cila i dha dritën e gjelbër projektit “British Summer Time”, i cili përfshinte lëvizjen e akrepave të orës përpara gjatë verës.

Shumë vende e pasuan Britaninë e madhe në këtë hap, veçanërisht në kohë lufte, kur ruajtja e energjisë ishte me të vërtetë një prioritet. Ndërsa miratimi përfundimtar i kësaj mase për të gjitha vendet, konsiston në vitin 1966, i cili përkoi me krizën e energjisë.