Rëndohet gjendja financiare e Barcelonës – janari do t’i zbulojë të gjitha

Pas muajsh bisedimesh për marrëveshjen e re të sponsorizimit të Barcelonës me Nike që është kontrata për të ndryshuar situatën e tyre financiare, duket se presidenti Joan Laporta ka një rrugë të gjatë për të ecur përpara se ta gjejë një ekuilibër financiar. Marrëveshjet e levës ekonomike që ai bëri në 2021 vazhdojnë të ndjekin klubin.

Blaugranët aktualisht po përpiqen të gjejnë para për të regjistruar Dani Olmon para janarit, ose do të përballen me pamundësinë për të luajtur me të për pjesën tjetër të sezonit.

Megjithatë, Relevo detajon se çështje të tjera janë në horizont për Barcelonën. Pavarësisht deklarimit të humbjeve prej 91 milionë euro këtë sezon, 100 milionë prej të cilave janë për shkak të mospagesës së 150 milionë eurove të shitjes së tyre prej 200 milionë eurosh për 49 për qind të Barca Vision, më shumë humbje janë në rrugë nëse nuk mund të gjejnë investitorë të tjerë.

Ata thonë se 100 milionë euro më shumë duhet të mbërrijnë në llogaritë si rezultat i marrëveshjes këtë sezon, por pa asnjë shenjë të ndonjë investitori të gatshëm të paguajnë, kjo duket e pamundur të ndodhë.

Goditja e dyfishtë është se Barcelona e vlerësoi totalin e Barca Vision në 408 milionë euro, 51 për qind e të cilave është ende në kontrollin e tyre, por nëse nuk mund të gjejnë dikë që të paguajë 150 milionë euro për pjesën tjetër të 49 për qind të shitur këtë sezon, atëherë vlera e 51 për qind që ata zotërojnë do të tkurret gjithashtu në vlerën e saj ‘reale’, duke provokuar humbje të konsiderueshme që mund të jenë rreth 200 milionë euro.

Laporta ka predikuar qetësi për regjistrimet e lojtarëve, duke pretenduar se nuk do të ketë probleme me regjistrimin e Olmos, por kjo bie ndesh me të gjitha informacionet që vijnë nga kryeqyteti katalanas.

Po kështu, ai i pikturoi pozitivisht rezultatet e tyre financiare gjatë asamblesë së përgjithshme të klubit, duke vënë në dukje se pa humbjet nga Barca Vision, ata do të kishin pasur fitim. Megjithatë, levat ekonomike, tri vjet më vonë, vazhdojnë t’i pengojnë ata, duke i lejuar klubit të investojë fillimisht te Jules Kounde, Robert Lewandowski dhe Raphinha. /Telegrafi/