Refuzon t’ia jep fjalëkalimin e telefonit, gruaja i vë flakën për së gjalli burrit në Indonezi (Foto, +18)

Një grua në Indonezi i ka vënë flakën për së gjalli burrit të saj i cili kishte refuzuar t’ia jep fjalëkalimin e telefonit të tij mobil.

Dedi Purnama, 26-vjeç, po rregullonte kulmin e shtëpisë kur gruaja e tij Ilham Cahyani, 25-vjeçe, ia kërkoi fjalëkalimin e telefonit, transmeton Telegrafi.

Megjithatë, ai refuzoi ta bëjë një gjë të tillë dhe pas një fjalosje kishte humbur kontrollin duke e goditur gruan, e cila më pas iu hakmor duke e spërkatur me benzinë dhe më pas i vëri flakën.

Si rezultat i plagëve të marra, Purnama ndërroi jetë dy ditë më vonë në incidentin që ndodhi në lindje të Lombok në provincën indoneziane Nusa Tenggara.

Ndërkaq policia e qyteti ka njoftuar se pas një sulmi verbal mes dyshes, situata eskaloi kur Purnama zbriti nga kulmi i shtëpisë dhe e goditi gruan e tij. Dhe nga nervoza, gruaja i është kundër përgjigjur  duke e lyer me benzinë dhe më pas i vë flakën.

Një dëshmitar okularë i identifikuar si Oji, ka deklaruar para gazetarëve se kishte vrapuar deri tek shtëpia e çiftit, pasi kishte parë zjarrin duke dalë jashtë.

Purnama ishte dërguar me urgjencë në spital dhe i është nënshtruar trajtimit, megjithatë dy ditë më pas ndërroi jetë pasi nuk i mbijetoi plagëve të marra.

Fotografitë e publikuara më poshtë shfaqin trupin e djegur të 26-vjeçarit që qëndron i shtrirë. Ndërkaq policia indoneziane ka njoftuar se kanë arrestuar gruan e të ndjerit dhe se janë duke vazhduar hetimet. /Telegrafi/