Real rekordesh, pa problem ndaj Granadas (Video)

Real Madrid e ka nisur mirë vitin e ri edhe në La Liga me fitore ndaj Granadas.

Kampionët e botësë kanë dominuar nga fillimi i ndeshjes deri në fund duke shënuar fitore të thellë 5-0.

‘Los Blancos’, golin e parë në ndeshje e shënuan në minutën e 12-të, kur realizoi Isco pas një asistimi të Karim Benzemas.

Sulmuesi francez, Benzema shënoi golin e dytë në ndeshje nga afërisa tetë minuta më vonë.

Vetëm shtatë minuta më vonë, Ronaldo pranoi një top të bukur në zonë nga Marcelo dhe realizoi për 3-0.

Ndërkohë golin e katërt në pjesën e parë dhe të dytin personal në këtë takim e shënoi Isco në minutën e 31-të.

Me rezultatin 4-0 përfundoi pjesa e parë mes Realit dhe Granadas.

Ashtu si në pjesën e parë, edhe në të dytën vazhdoi dominimi i kampionëve të Evropës dhe Botës.

Mesfushori brazilian, Casemiro iu përgjigj mirë një harkimi nga James Rodriguez duke shënuar për 5-0.

Edhe pas golit të pestë madrilenët kërkuan të shënojnë edhe më shumë gola por një gjëje të tillë nuk ia arritën.

Pas kësaj fitore Real Madrid vazhdon të mbetet lidere në La Liga me 40 pikë të grumbulluara pas 16 ndeshjeve.

Fitorja ndaj Granadas ishte ndeshja e 39-të pa humbje për ‘Los Blancos’, që barazuan rekordin e Barcelonës së Luis Enriques.

Ndeshjen e radhës Reali do ta zhvilloi pas një jave ku do të jetë mysafir tek Sevilla. /Telegrafi/

https://www.youtube.com/watch?v=WtGl9mgC0MU