Real Madrid për herë të parë me kamp stërvitor të basketbollit në Kosovë

Akademia e Real Madrid për herë të parë po sjellë profesionist të basketbollit në Kosovë.

Bashkëpunimi me klubin më të madh të basketbollit në Kosovë, KB Sigal Prishtina dhe në mes të kompanive MIK Sports dhe STE Robin Krasniqi, i then barrierat dhe i hap derën basketbollit kosovar dhe atij shqiptar që të afirmohet në skenën ndërkombëtare.

Kampi stërvitor i organizuar nga Real Madrid Foundation Clinic, do të sjellë për herë të parë në Kosovë ekspertë spanjollë të basketbollit të cilët do të ofrojnë shkëmbimin e njohurive, aftësive dhe metodave të përparuara të punës, duke u përqendruar në zhvillimin individual të basketbollistëve gjatë qëndrimit të tyre në kamp.

Ky kamp stërvitor i klubit Real Madrid do të organizohet nga 30 Gusht – 10 Shtator, 2021 në Prishtinë, në Qendrën Social-Edukative “Don Bosko”.

Do të zhvillohen 2 kampe, ku njëri kamp do të mbahet nga data 30 Gusht – 3 Shtator dhe tjetri kamp nga 6 Shtator – 10 Shtator. Orari i kampit do të mbahet nga 14:30 – 21:00.

Të gjithë të interesuarit që i përkasin grupmoshave prej 6- 18 vjeç inkurajohen të aplikojnë në kampin stërvitor.

Regjistrohuni në webfaqen: https://frmclinicskosovo.com/

Pas përfundimit të kampit pjesëmarrësit e këtij kampi do të kenë mundësinë të trajnohen për një muaj në Shkollën e Klubit të Prishtinës falas.

Kampi stërvitor i Real Madrid do t’i zgjeroj horizontet e pjesëmarrësve, do t’i ndihmojë në avansimin e aftësive si dhe promovimin e talentit të tyre.