Rama e Basha me akuza të ndërsjella për raportin e Dick Martyt

Debati virtual lidhur me miratimin e raportit të Dick Marty, ka vazhduar edhe sot në mes kryeministrit të Shqipërisë, Edi Rama dhe kryetarit të Partisë Demokratike, Lulzim Basha. Ky i fundit tha se Rama bën zëdhënësin e Beogradit.

Rama ka pyetur Bashën nëse është e vërtetë se ka përdorur maskë qysh atëherë, kur merrte në pyetje shqiptarët për llogari të zotit Dick.
Menjëherë erdhi një reagim nga vetë Basha, duke i thënë t’i lëjë shpifjet dhe lojërat politike.

“Edi Rama lëri shpifjet dhe lojërat politike, përgjigju pse nuk e hap Covid 4? Pse të infektuarit dergjen nëpër ambulanca e nuk ka vend për ta? Pse vazhdon vjedhjen dhe i le të sëmurët të vdesin rrugëve. Pasi shkatërrove ekonominë, tani po ju merr shqiptarëve jetën dhe shëndetin”, ka shkuar Basha.

Edi Rama leri shpifjet dhe lojërat politike, përgjigju pse nuk e hap Covid 4? Pse të infektuarit dergjen nëpër ambulanca e nuk ka vend për ta? Pse vazhdon vjedhjen dhe i le të sëmurët të vdesin rrugëve. Pasi shkatërrove ekonominë, tani po ju merr shqiptarëve jetën dhe shëndetin.

— Lulzim Basha (@lulzimbasha_al) November 8, 2020

Në vend që të bëjë detyrën, Edi Rama bën zëdhënësin e Beogradit. Ai është përgjegjës për jetët e humbura dhe shëndetin e shqiptarëve. Të sëmurët dergjen nëpër ambulanca sepse spitalet janë mbushur plot. Pasi shkatërroi ekonominë ai ka humbur kontrollin mbi pandeminë.

— Lulzim Basha (@lulzimbasha_al) November 8, 2020

Por sërish i është përgjigjur Rama përmes një postimi në Twitter, duke e pyetur çfarë mendon për votën votën e PD-LSI pro raportit të Dick Marty.

“Lulëzim! Mos u fshih pas Covid-it dhe lëri akuzat për ata që po luftojnë përditë në vijën e parë kundër virusit, po përgjigju për faktin që ke qenë bashkë me mjekun peruan në bërjen e dosjes për Shtëpinë e Verdhë!E thuaje cfarë mendon për votën e PD-LSI pro raportit të Dick Marty!”, ka shkruar Rama, transmeton Telegrafi.

Lulëzim! Mos u fshih pas Covidit dhe lëri akuzat për ata që po luftojnë përditë në vijën e parë kundër virusit, po përgjigju për faktin që ke qenë bashkë me mjekun peruan në bërjen e dosjes për Shtëpinë e Verdhë!E thuaje cfarë mendon për votën e PD-LSI pro raportit të Dick Marty!

— Edi Rama (@ediramaal) November 8, 2020

Pse Beogradi nuk e donte raportin e Dick Marty prandaj e miratuat ju Lulëzim! Dhe meqë ra fjala a është e vërtetë që ke përdorur maskë qysh atëherë, kur merrje në pyetje shqiptarët për llogari të zotit Dick apo edhe kjo është sajesë e Beogradit? Fol Lulēzim, thuaje të vërtetën!

— Edi Rama (@ediramaal) November 8, 2020

Debati i sotëm virtual nisi, kur Edi Rama përmes një postimi në Twitter, akuzoi Metën e Berishën për votimin e raportit të Dick Martytpër UÇK-në në Këshillin Evropës, kurse Bashën e akuzoi se nuk ka sqaruar për dosjen e përgatitur për sajesën e Shtëpisë së Verdhë bashkë me mjekun peruan, ku Basha ishte përkthyes.

“Ilir a mund t’ia thuash shqiptarëve pse e votove pro raportin e Dick Marty, bashkë me Saliun kur ne e votuam kundër? Po ti Lulëzim a e sqaron dot çfarë dosje ke përgatitur për sajesën e Shtëpisë së Verdhë bashkë me mjekun peruan që dëshmon se ti ke mbledhur dëshmitë bashkë me të?”, ka shkruar Rama.

Lexo po ashtu Rama e akuzon Metën, Berishën e Bashën se mbështetën akuzat e Dick Martyt kundër krerëve të UÇK-së

Bëhet fjalë për kohën, kur Lulzim Basha ishte përkthyes në atë kohë. Baza e materialit hetimor të Gjykatës Speciale ndaj Hashim Thaçit dhe krerëve të UÇK-së ishte pikërisht raporti i Dick Marty-t, senatorit zviceran që e ktheu në rezolutë të Këshillit të Evropës në vitin 2011.

Në ato vite, Jose Pablo Baraybar, një antropolog peruan që ishte në grupin e hetimeve të prokurorisë së Hagës pati dhënë një intervistë në një gazetë zvicerane, ku theksonte se në grupin e atyre personave që ishin marrë me këtë çështje ishte edhe një përkthyes shqiptar i cili quhej Lulzim Basha. Në kohën kur Gjykata e Hagës nisi hetimet, Lulzim Basha ishte i punësuar në Kosovë si pjesë e administratës ndërkombëtare të OKB-së.

Por, nga ana tjetër kreu i PD-së nuk ka folur asnjëherë për të sqaruar këtë çështje, por në mënyrë të tërthortë e ka mohuar. Në një intervistë për mediat vendase peruani, Jose Pablo Baraybar, i cili u pyet se Basha thotë se nuk ka qenë pjesë e hetimeve deklaroi krejt të kundërtën e pohimit të liderit aktual të PD-së. /Telegrafi/