Rahimaj: Shkollat në Kamenicë edhe me kabinete të veçanta të muzikës

Komuna e Kamenicës ka njoftuar se shkollat janë pajisur me vegla muzikore të brendeve cilësore.

Përmes një komunikate për media, kryetari i Komunës së Kamenicës, Kadri Rahimaj, tha se secili nxënës tani ka mundësinë që profesionalisht të përgatitet në këtë pjesë.

“Secili nxënës i apasionuar pas instrumenteve muzikore, tashmë ka mundësinë që profesionalisht të përgatitet në këtë pjesë. Pas kabineteve të shkencave, sportit, e informatikës, shkollat në Kamenicë janë pajisur edhe me veglat muzikore të brendeve më cilësore, në mënyrë që të kenë edhe kabinete të veçanta në këtë fushë”, ka thënë ai.

Ndër të tjera, Rahimaj theksoi se është duke u punuar në secilën shkollë të Kamenicës, në mënyrë që infrastruktura, kushtet dhe cilësia të rritet.

“Shkollat në Kamenicë edhe me kabinete të veçanta të muzikës Është duke u punuar në secilën shkollë në Kamenicë, në mënyrë që infrastruktura, kushtet por edhe cilësia në tërësi të rritet. Po vazhdojmë me punë në arsim, kjo nuk është e tëra për nxënësit, projekte fantastike po vijnë”, ka shkruar Kryetari Rahimaj. /Telegrafi/