Qeveria ndan 150 mijë euro për Komunën e Deçanit

Qeveria e Kosovës ka marrë vendim për ndarjen e 150 mijë eurove për Komunën e Deçanit, pas helmimit të qytetarëve në këtë komunë.

Ministri i Administrimit të Pushtetit Lokal, Elbert Krasniqi tha para mediave se 150 mijë euro të shfrytëzohen për rregullimin e sistemit të ujësjellësit në fshatrat e Deçanit ku ka pasur probleme, transmeton Telegrafi.

“Ministria e Administrimit të Pushtetit Lokal, duke marrë parasysh situatën e rënduar pas shpalljes së gjendjes së emergjencës së jashtëzakonshme nga Komuna e Deçanit bazuar në mandatin ligjor për mbështetje të komunave si dhe në Ligjin mbi ndarjen buxhetore për buxhetin e Republikës së Kosovës përmes programit për zhvillim të infrastrukturës socio-ekonomike dhe bashkëpunimit ndër komunal do të ndajë mjete financiare në vlerë prej 150,000.00 Euro për mbështetje të Komunës së Deçanit për financim të projektit për trajtimin dhe rregullim e sistemit të ujësjellësit, në mënyrë që një situatë e tillë të mos përsëritet më”, ka thënë ministri Krasniqi. /Telegrafi/