Qeveria miraton Programin për Reforma në Ekonomi 2019-2021

Me propozim të Ministrit të Financave, Bedri Hamza, Qeveria e Kosovës ka shqyrtuar dhe miratuar Programin për Reforma në Ekonomi 2019-2021.

Korniza e përgjithshme e politikave të Programit të Reformave Ekonomike është kombinimi i politikave fiskale të bazuara në rregulla për stabilitetin e financave publike brenda hapësirës së disponueshme fiskale dhe në mbështetje të rritjes ekonomike përmes investimeve kapitale dhe financimit të fushave prioritare, si dhe reformave strukturore që adresojnë pengesat kryesore për rritjen ekonomike në mbështetje të zhvillimit të sektorëve ekonomike konkurruese dhe sigurojnë që rritja ekonomike është gjithëpërfshirëse dhe synon rritjen e mirëqenies.

Politikat fiskale të planifikuara në Programin e Reformave Ekonomike dhe në Kornizën Afatmesme të Shpenzimeve do të mbështesin rritjen ekonomike duke siguruar që shpenzimet për investime publike të jenë mbi 10 për qind të Bruto Prodhimit Vendor.

Politikat përfshijnë investime në institucione arsimore dhe shëndetësore, bujqësi dhe zhvillim rural, furnizimit me ujë dhe trajtim të ujërave të zeza. /Telegrafi/