Qeveria miratoi dhe dërgoi në Kuvend tekstin përfundimtar të propozim amendamenteve

Qeveria e Republikës së Maqedonisë, në seancën e 108-të të saj, miratoi tekstin përfundimtar të propozim amendamenteve 33, 34, 35 dhe 36 të Kushtetutës së Republikës së Maqedonisë dhe të njëjtat i paraqiti në Kuvendin e Republikës së Maqedonisë, njofton Telegrafi Maqedoni.

Ndryshimet janë pjesë përbërëse e Kushtetutës dhe do të hynë në fuqi pas hyrjes në fuqi të marrëveshjes përfundimtare për zgjidhjen e dallimeve të përshkruara në rezolutat 817 (1993) dhe 845 (1993) të Këshillit të Sigurimit të Kombeve të Bashkuara, për anulimin e marrëveshjes së Përkohshme të vitit 1995 dhe për krijimin e një partneriteti strategjik ndërmjet palëve dhe ratifikimin e Protokollit për anëtarësimi në NATO të pikës së parë të marrëveshjes përfundimtare.

Përveç ndryshimeve të theksuara më herët në amendamentet 33, 34, 35 dhe 36 si rezultat i debatit publik, ka një ndryshim në tekstin e Amendamentit 36 ​​në të cilën tani thuhet:

Republika mbron, garanton dhe u kushton veçantive, trashëgimisë historike dhe kulturore të popullit maqedonas; Republika mbron të drejtat dhe interesat e qytetarëve të saj që jetojnë ose qëndrojnë jashtë vendit; Republika kujdeset për diasporën e popullit maqedonas dhe komuniteteve të tjera dhe u kushtohet dhe promovon lidhjet me atdheun; Republika nuk do të ndërhyjë në të drejtat sovrane të shteteve të tjera dhe në punët e tyre të brendshme./Telegrafi/