Qëndroi e pazbuluar për 81 vjet, momenti kur bomba e Luftës së Dytë Botërore shpërthehet në mes të një qyteti në Angli

Banorët e Exeter në Angli mund të mos jenë në gjendje të kthehen në shtëpitë e tyre “së shpejti” pasi një bombë e Luftës së Dytë Botërore u shpërthye të premten, pasi policia thotë se është ‘e pamundur të parashikohet’ nëse puna e vlerësimit të sigurisë do të përfundonte.

Sipas mediave të huaja, përcjell Telegrafi, pajisja, që besohet të jetë përdorur nga nazistët, u zbulua në një vend ndërtimi në tokë private në perëndim të kampusit të Universitetit të Exeter të premten në mëngjes.

Si pasojë, banorët në rreth 2,600 prona përreth zonës së Glenthorne Road, përfshirë 1,400 studentë të universitetit, u evakuuan të premten dhe të shtunën.

Shpërthimi i kontrolluar i pajisjes ndodhi në orën 6.10 pasdite të shtunën, dhe ndikimi i tij ishte shumë larg – duke shkaktuar dëme në pronat përreth dhe ishte aq i madh sa mund të dëgjohej gjashtë milje larg.

Madje një vinç është përdorur për të hequr mbeturinat nga kulmet e afërta – ishte ‘copa të mëdha metali’ të përdorura nga ushtria për të “zbutur fuqinë e bombës” kur ajo u shpërthye.

Seksionet metalike mund të shiheshin qartë duke shpërthyer në ajër kur u hodh bomba në erë. /Telegrafi/