Qendra për trajnim të pilotëve do të informojë për konkursin për kandidat të ri

Qendra për trajnim të pilotëve në bashkëpunim me Ministrinë e Mbrojtjes së Republikës së Maqedonisë sot në Shtëpinë e ARM-së në Shkup do të informojë për konkursin rreth trajnimit të pilotëve, transmeton Telegrafi Maqedoni.

Selektimi i kandidatëve për pilot përbëhet nga disa testime dhe kontrolle se cilët kandidatë duhet t’i kalojnë para se të fillojnë me aktivitetet e fluturimit. Së pari bëhet kontrolli i gatishmërisë shëndetësore dhe fizike, kurse më pas testimi kompjuterik dhe ushtrime të përshatura për profesionin e pilotit, që në fund aftësia e kandidatit të konfirmohet në 10 fluturime me aeroplanin ZLIN-242L, informon Ministria e Mbrojtjes.

Kandidatët të cilët me sukses do t’i përfundojnë të gjitha testet selektuese do të marrin statusin kadet dhe do të fillojnë me shkollimin për pilot ushtarak.

Qendra për trajnim të pilotëve e dedikuar për selektim dhe trajnim të pilotëve për nevojat e ARM-së, është formuar sipas shembullit dhe standardeve të akademis së fluturimit ajror të Aviacionit ushtarak izraelit. /Telegrafi/