Pula e një gruaje nga Teksasi u emërua zyrtarisht si më e vjetra në botë nga Libri i Rekordeve Guinness në moshën 14 vjeç e 69 ditë.
Sonya Hull, banore e Little Elm, tha se e çeli pulën, Pearl, në inkubatorin e saj personal më 13 mars 2011, transmeton Telegrafi.
Libri i Rekordeve Guinness konfirmoi moshën e Pearl, duke i dhënë asaj zyrtarisht titullin e pulës më të vjetër në botë.
"Ajo i ka sfiduar të gjitha parashikimet sepse shumica e pulave jetojnë mesatarisht pesë deri në tetë vjet", tha Hull për Librin e Rekordeve Guinness.
Ajo tha se lëvizshmëria e Pearl është e kufizuar tani, kështu që ajo e kalon pjesën më të madhe të kohës në lavanderi të familjes.
"Ajo është e mirëpritur të dalë në dhomën e ndenjes, sepse i pëlqen të shikojë televizor kur e dëgjon të ndezur", tha Hull.
Pearl gjithashtu e do macen e moshuar të familjes dhe kotelen e re.
"Ajo nuk duket se i interesojnë kafshët e tjera, dhe kotelja ndonjëherë ulet me të," tha Hull.
Ajo theksoi tha se prodhimi i vezëve të Pearl është ngadalësuar, por ajo lëshoi një vezë menjëherë pasi familja zbuloi se ishte mbajtëse zyrtare e Rekordit Botëror Guinness.
Pula më e vjetër e mëparshme, një kafshë shtëpiake nga Illinois me emrin Peanut, ngordhi më 25 dhjetor 2023, në moshën 21 vjeç e 238 ditë. /Telegrafi/
