PTHP ngrit paditë e para për shkatërrimin e kallamit në Strugë

Prokuroria Themelore Publike (PTHP) në Strugë ka filluar procedurë hetimore ndaj dy të dyshuarve për kryerjen e veprës penale, dëmtim ose shkatërrim i të mirave publike nën mbrojtje të përkohshme ose vende natyrore të rralla.

Nga Prokuroria Publik njoftojnë se gjithashtu është nisur procedurë edhe kundër një inspektori nga Ministria e Mjedisit për kryerjen e veprës penale “pengim të drejtësisë”, përcjell Telegrafi Maqedoni.

Në njoftimin e PTHP-së thuhet se më 16 mars të këtij viti dy persona janë vërejtur se si shkatërrojnë të mirat publike në mbrojtje të përkohshme.

Lexo po ashtu Nisin kontrollet për djegien e kallamit në Strugë

“Njëri nga të dyshuarit pranë plazhit ‘Versus’ me një anije është futur në liqen dhe me drapër ka prerë një kallam. I dyshuari i dytë urdhëroi prerjen e kallamishteve me qëllim që të ndalonte rritjen natyrore. Me këto veprime, të dyshuarit vepruan në kundërshtim me Ligjin për Mbrojtjen e Natyrës, në të cilin Liqeni i Ohrit klasifikohet si një monument i natyrës dhe ku aktivitetet që rrezikojnë monumentet dhe vlerat e saj nuk lejohen”, thuhet në njoftimin e Prokurorisë./Telegrafi/