PSG ka filluar punën për rinovimin e kontratave për Lionel Messin dhe Sergio Ramosin, që po tregojnë nivel të lartë këtë vit.
Dyshja që ishin rival të mëdhenj, tani ndajnë dhomën e zhveshjes në Paris, edhe pse të dy kishin sezonin e parë shumë të dobët me klubin nga Ligue 1.
Tani të përshtatur më mirë me mjedisin, Messi dhe Ramos e kanë nisur mirë sezonin.
3-4-1-2 i Christophe Galtier duket se u përshtatet shumë yjeve të PSG-së, me Messin që shënoi katër gola dhe asistoi shtatë herë.
Sipas L'Equipe, PSG me drejtuesin sportiv, Luis Campos po konsiderojnë të zgjasin marrëveshjet e lojtarëve.
Të dyve u skadon kontrata verën e ardhshme dhe Campos do t'u ofronte atyre një zgjatje për një vit.
Në rastin e Messit, ka të ngjarë që e ardhmja e tij të vendoset në muajt e parë të vitit të ardhshëm.
Argjentinasi është i fokusuar në Kampionatin Botëror i tij mund të jetë i fundit për të. /Telegrafi/
