PSG dëshiron shkëmbimin Mbappe-Coutinho për të kënaqur Neymarin

Paris Saint-Germain është i gatshëm të ofrojë shërbimet e Kylian Mbappe plus para për të marr shërbimet e Philippe Coutinhos.

Talenti francez, Mbappe u transferua vetëm në verë te PSG, ndërsa Coutinho gjatë janarit nga Liverpooli te Barcelona.

Por, gjigantët francezë të PSG-së thuhet se janë të etur të tentojnë një shkëmbim mes Mbappes dhe yllit brazilian.

Lexo po ashtu Silva: Mbappe ka mundur të më bashkohet te Man City

Sipas mediumit El Pais, PSG janë të gatshëm të ofrojnë Mbappen dhe para plus për të marr shërbimet e Coutinhos.

Ky medium thekson se e gjithë kjo mendohet të bëhet për të kënaqur yllin e tyre, Neymar, i cili po përflitet për një largim nga Parc des Princes.

Neymar thuhet se ndihet i parehatshëm duke luajtur së bashku me rivalin potencial për të fituar Topin e Artë, Mbappe, lëvizja prej 180 milionë euro nga Monaco do të bëhet e përhershme në fund të sezonit.

Lexo po ashtu Lista prej 20 futbollistëve më të vlefshëm në botë nën 21-vjeç, nga Mbappe si më i shtrenjti e deri tek Alli, Dembele, Donnarumma dhe Asensio (Foto)  

Parisienët tashmë janë të gatshëm për të lënë sensacionin 19-vjeçar, nëse ata mund të joshin mikun e Neymarit, Coutinho nga Barca, pavarësisht se lëvizja e tij erdhi vetëm në janar.

Nëse ky shkëmbim ndodh, padyshim se do të bëhej më i madhi i gjitha kohërave duke ditur edhe çmimet e dy lojtarëve. /Telegrafi/