Pse ia vlen të luftosh për të lexuar një libër në vend që të kënaqesh me rehatinë e mediave sociale

Joshja e mediave sociale është e fortë edhe ndaj atyre që e duan librin

Titulli “Mediat sociale, kalbja e trurit dhe vdekja e ngadaltë e leximit”, e zgjedhur nga kritikja e librit dhe autorja Mia Levitin për artikullin e saj të ri në “Financial Times”, përshkruan shkurt “betejën” që të gjithë ne kemi jetuar vitet e fundit, edhe ata prej nesh që më parë e deklaronim veten “krimb të librave”, pasi tani po luftojmë për të lënë mënjanë celularët dhe të shijojmë leximin e një libri.

Mia Levitin argumenton se edhe studentët e Letërsisë kanë ndaluar së lexuari libra sot, ose të paktën i lexojnë ato shumë më rrallë se në të kaluarën. Ajo citon një sondazh të fundit (Reading Agency), sipas të cilit përqindja e të rriturve që lexojnë sot në Britani është përgjysmuar, nga 58% në vitin 2015, por ky është tanimë një fenomen universal.

Gara “libra kundër mediave sociale” është padyshim e pabarabartë. Jo vetëm që mediat sociale janë krijuar për të shkaktuar shpërthime të përsëritura të dopaminës, hormonit të lumturisë në trurin tonë – dhe në disa raste është krijuar një varësi, siç shpjegon neuroshkencëtarja Maryanne Ëolf.

Të lexuarit është një aftësi e fituar, të cilën e kultivojmë përmes të mësuarit.

Pra, leximi i një libri është, me të vërtetë, i mundimshëm, siç mund të kemi kuptuar nga përvoja jonë, por ia vlen.

Studimet konfirmojnë se ata që lexojnë rregullisht raportojnë nivele më të larta të mirëqenies dhe kënaqësisë nga jeta, plus gjumë më të mirë, përqendrim dhe kreativitet. Ne nuk kemi nevojë as të kemi pafund kohë të lirë në dispozicion për të përfituar nga efekti i dobishëm i leximit: një studim tregoi se gjashtë minuta në ditë janë të mjaftueshme për të reduktuar stresin tonë me dy të tretat.

Terapistja Ella Berthoud ofron këshilla për të filluar (ri)ushtrimin e “muskujve” tanë të leximit nëse ndihemi sikur ata i ka zënë ngërçi.

Ne mund të testojmë nëse librat audio na përshtaten, të fillojmë me tekste të shkurtra si përmbledhje tregimesh, novela, libra me shënime dhe novela grafike, por edhe t’i japim vetes motivim, për shembull për të nisur, së bashku me vitin e ri, një kalendar leximi ose një kënd të bukur leximi në shtëpi.

Ne gjithashtu mund të bashkohemi me klubet e leximit (po, ato ekzistojnë ende, dhe me njerëz të të gjitha moshave), të cilat do të na motivojnë të përfundojmë librin në kohë për të diskutuar në takimin e tyre të ardhshëm dhe të na sjellin në kontakt me njerëz me interesa të përbashkëta, citon Anabel.

Dhe nëse nuk mund të imagjinojmë një ditë të vetme të jetës sonë pa internet, le ta shohim leximin sikur po zhytemi në këtë botë, analoge, pa njoftime dhe reklama të vazhdueshme që të na ndërpresin vëmendjen, teksa ne vazhdojmë udhëtimin drejt lumturisë të pashqetësuar. /Telegrafi/