Prurjet e reja te Kosova, Giresse thotë se forma e mirë e ekipit – joshë lojtarët të vijnë

Alain Giresse është deklaruar edhe për lojtarët e rinj që do të ftohen te Kosova në të ardhmen dhe se çfarë do të bëjë për t’i bindur që të vijnë.

Ai ka thënë se do të përdorin çdo mjet për t’i bindur lojtarët e rinj që të zgjedhin Dardanët.

“Ideja është që në skuadër të kemi sa më shumë potencial dhe kjo pyetje më është bërë edhe në përfaqësueset e tjera ku kam qenë”, ka thënë Giresse.

Lexo po ashtu Giresse deklarohet për planet me Kosovën dhe përse nuk është ftuar Paqarada

“Ky aspekt nuk është neglizhuar as në të kaluarën nga FFK-ja dhe është bërë punë e madhe në afrimin e lojtarëve të rinj”.

“Ne do të japim maksimumin për t’i bindur lojtarët që të vijnë të përfaqësojnë vendin e tyre dhe do të përdorin secilin mjet për të realizuar ardhjen e tyre”.

Lexo po ashtu Alain Giresse: Te Kosova do të ftohen lojtarë që luajnë jashtë dhe që kanë cilësi

“Njëra prej gjërave që do të ndikojë në këtë aspekt është edhe performanca jonë që do t’i joshë ata që të vijnë këtu”.

“Nga ana tjetër është edhe një problem tjetër me lojtarët e rinj që luajnë në ligat tjera ndërkombëtare siç është Zvicra që synon t’i biond ata që të luajnë atje”, ka shtuar më tej ai. /Telegrafi/