Prostitucion në qendrën e masazhit në Tiranë

Ditën e djeshme policia e Tiranës ka zbuluar një rrjet prostitucioni që organizonte veprimtaritë e saj brenda një qendre mesazhesh në Tiranë.

Mësohet se rrjeti shfrytëzonte ambientet e SPA (qendër estetike , masazh) për prostitucion. Burime zyrtare nga policia bëjnë me dije se është arrestuar 1 shtetase, dhe procedohen 5 shtetas të tjerë në gjendje të lirë.

Më datë 10.02.2017 Specialistët e Sektorit të Trafiqeve pranë Drejtorisë Vendore të Policisë Tiranë kanë bërë të mundur arrestimin në flagrancë të shtetases:E. I,38 vjeçe, banuese në Tiranë, (pronare e ambientit të SPA). Si dhe ndiqen në gjendje të lirë shtetasit: -A. B, 21 vjeçe, banuese në Tiranë, (punëtore) -V. Ç., 14 vjeçe, banuese në Tiranë, (punëtore) -B. D., 42 vjeçe, banuese në Tiranë. -M. I., 32 vjeç, shtetas turk, banues Tiranë (klient) -G. R., 40 vjeç, banues në Tiranë (klient) -R.G., 30 vjeç, shtetas turk (klient).Tiranë

Arrestimi i kësaj shtetaseje u bë pasi nga informacionet e marra në rrugë operative në ambientet e një Qendre estetike ,ku një shërbim ishte dhe masazhi dyshohej se këtë ambient e përdornin përveç shërbimeve të masazhit por edhe të ushtrohej prostitucion kundrejt pagesave ekstra masazhit.

Shtetasja I. E , pronarja e kësaj qendre dyshohet se organizonte punën në kamuflimin e masazheve ku kishte si objekt pune dhe marrëdhënien seksuale në forma të ndryshme ndërmjet punonjësve dhe klientëve, aktivitet ky që ushtrohej që prej 8 muajsh, ku dhomat ishin përshtatur si qendër masazhi.

Materialet i kaluan Prokurorisë pranë Gjykatës së Shkallës së Parë Tiranë për veprat penale të “Shfrytëzim prostitucioni dhe mbajtje të ambientit për prostitucion” parashikuar nga Nenet 114 dhe 115 të Kodit Penal./albeu/