Gjatë fundjavës me temperaturat më të larta në Kosovë u zhvillua një garë e nxehtë e vrapit në shtigje malore. "Prishtina Trails" ishte nikoqire e rreth 300 vrapuesve që u sfiduan në shtigjet e Gërmisë me rrethinë më datën 23 qershor.

Fitues në distancën ultra 47 kilometra doli i pari kosovari Fatmir Ismajli me një kohë fantastike prej 5 orë e 29 minuta ndërsa në kategorinë e femrave befasoi e reja nga Ferizaji Verona Kamenica me 7 orë e 48 minuta.

Prishtina Trails 2024 Fituesit

Në vendin më të lartë të podiumit në kategorinë 23 kilometra u ngjitën emra të njohur të vrapimit në shtigje malore Erzen Zyberaj me kohë 1 orë e 58 minuta ndërsa Qendresa Ramadani me 2 orë e 52 minuta. Ndërsa në kategorinë 10 kilometra fituan Bledar Mesi me 53 minuta dhe Elisabeth Schleicher me rezultat 1 orë e 11 minuta. Rezultatet e plota zyrtare janë të publikuara në web faqen e garës. Gara trail e Kosovës që promovon parkun e mbrojtur të Gërmisë

448758719 1025660096231034 5511553038140006903 n

"Prishtina Trails" është gara më e vjetër në shtigje malore e cila nuk ka pushuar as në kohën e pandemisë. Me këtë edicion të gjashtë, kjo ngjarje sportive ka fituar namin si gara trail më e konsoliduar ne vend që synohet të pushtohet nga vrapues vendor, të rajonit dhe më gjerë. Të gjitha shtigjet fillojnë e mbarojnë në parkun e kryeqytetit duke përshkuar pjesë të ndryshme të pejsazhit të mbrojtur të Gërmisë. Dhe për këtë arsye klubi i vrapit që i qëndron prapa, X-Trailers, bën thirrje që të kemi më shumë kujdes për parkun, prandaj edhe është identifikuar me sloganin: Gërmia àsht e jotja, mbroje! Organizatorët këtë vit kanë vetëdijësuar pjesëmarrësit dhe publikun e gjerë për të “ngritur zërin dhe për të mbrojtur oazen tonë të çmuar të gjelbër pranë qytetit”.

448893037 1026921266104917 6919521861516338403 n

Krahas thirrjes për aktivitet fizik në natyrë, një element unik i këtij organizimi është partneriteti me kompani vendore për të reduktuar gjurmët mjedisore të shoqërisë sonë. "Prishtina Trails" ka vazhduar të prodhojë medaljet për të gjithë vrapuesit me material të plastikës së mbicikluar – nga kapakët e shisheve plastike.Sivjet rreth 16,000 kapakë i kanë dhënë formë medaljeve të qindra. Kjo praktikë është përhapur edhe tek gara e fëmijëve ku kanë marrë pjesë rreth 200 vrapues të rinjë ditën e shtunë me 22 qershor. Ky aktivitet po ashtu realizohet nga Klubi X Trailers në bashkëpunim me Klubin "Germia 555".
Në këtë mënyrë rritet më tej vetëdija e fëmijëve, prindërve dhe komunitetit për një qasje që nxit veprim të qëndrueshëm.

448986874 1025690566227987 2921904172350197196 n

MarketingEkonomi