Prishtinasit do të kërkojnë fitoren e parë në kampionat, pasi në dy ndeshjet e para, kanë arritur një humbje dhe një barazim.
Humbi në shtëpi nga Feronikeli dhe barazoi si mysafire e Istogut.
Hendikep i madh për skuadrën e trajnerit, Ramiz Krasniqi, do të jetë mungesa e sulmuesit kryesor, Labinot Osmani, i cili është lënduar në ndeshjen miqësore ndërkombëtare kundër Sivassporit.
Në anën tjetër, Llapi i Tahir Batatinës, ka fituar një ndeshje si mysafir i Vushtrrisë, ndërkaq është mposhtur në përballje me Trepçën ’89.
Ndeshja ndërmjet Prishtinës dhe Llapit, do të luhet sot prej orës 16:00 në stadiumin e kryeqytetit.
