Presidenti i Izraelit, Isaac Herzog, ka folur në eventin përkujtimor të 7 tetorit në Jerusalem, dhe u ka bërë homazhe familjeve të viktimave.

"Ju patët një guxim të tillë dhe megjithatë gjithçka ka ndryshuar, ne e dimë se një vrimë e madhe, një humnerë, është hapur në jetën tuaj", thotë ai.

"Me atë dhimbje, ju vazhdoni në jetën tuaj", shtoi presidenti izraelit, transmeton Telegrafi.

Herzog falënderoi familjet për "rritjen e bijve dhe bijave që nuk hezituan për asnjë moment të shkonin të luftonin dhe të sillnin pengjet tona".

Ai theksoi se ushtarët mbanin "foto të pengjeve" në xhepat e tyre dhe shtoi se "këto janë ditë historike".

"Një komb i tërë ka luftuar me heroizëm për dy vjet për të arritur në këtë moment kur ata u kthyen, kështu që jo, nuk është fundi dhe ne e ndiejmë këtë, por shpresojmë se po i afrohemi fundit", tha ai.

"Misioni nuk ka mbaruar, ne duhet të vazhdojmë të punojmë me çdo mënyrë të mundshme dhe me çdo mjet që kemi, në mënyrë që të mund t'i sjellim në shtëpi ata që ende nuk janë sjellë, në mënyrë që të varrosen këtu, në tokën e Izraelit", tha për fund Herzog. /Telegrafi/

Nga BotaBotë