Prapaskena dramatike – gjimnastja amerikane Jordan Chiles detyrohet ta kthejë medaljen, atë e ka fituar dikush tjetër

Gjimnastja e SHBA-ve, Jordan Chiles, do të duhet që ta rikthejë medaljen e bronztë që ajo e kishte marr në Lojërat Olimpike ‘Paris 2024’, ka njoftuar sot (e diel) Komiteti Olimpik Ndërkombëtar.

Ky lajm vjen në më pak se 24 orë pasi Gjykata e Arbitrazhit Sportiv (CAS) kishte marr vendimin se trupi gjykues në finalen e ushtrimeve të dyshemesë kishte bërë një gabim në ndarje të drejtësisë pas një ankese të parashtruar nga trajnerët e Chiles, sipas së cilës amerikanja u vendos në pozicion për ta fituar medaljen.

Federata Rumune e Gjimnastikës e kishte kundërshtuar këtë vendim, duke ofruar dëshmi se kjo ankesë ishte parashtruar katër sekonda pas afatit të lejuar që të bëhet apeli.

Komiteti Olimpik Ndërkombëtar përmes një njoftimi zyrtar ka bërë të ditur se do t’i dhurojnë medaljen e bronztë gjimnastes rumune Ana Barbosu, e cila paraprakisht ishte renditur e katërta.

Ana Bărbosu regains her Olympic bronze medal! 🇷🇴🥉

The appeal filed by @ChilesJordan 🇺🇸 was made beyond the 1-minute deadline and is therefore invalid

Chiles will lose her bronze medal and move to 5th place, right after Sabrina Voinea pic.twitter.com/ynfJ2nUeU1

— Daily Romania (@daily_romania) August 10, 2024

“Ne jemi në kontakt me Komitetin Olimpik Ndërkombëtar të Rumanisë për të diskutuar ceremoninë e rialokimit sa i përket kthimit të medaljes së bronztë”.

Zëdhënësit e Federatës Amerikane të Gjimanstikës nuk iu përgjigjën menjëherë mesazheve që kërkonin koment, megjithëse ata lëshuan mbrëmë një deklaratë, aty ku e përshkruan vendimin e CAS-it si ‘shkatërrues’.

Joint Statement from USA Gymnastics and the U.S. Olympic & Paralympic Committee regarding the CAS decision on the women’s floor final:

CAS Decision: https://t.co/KR6DYsfxEk pic.twitter.com/r1e6QKmKA4

— USA Gymnastics (@USAGym) August 10, 2024

Trajnerët e Chiles kërkuan një apel me pikë dhe gjyqtarët më pas vendosën që rezultati i saj të rritet me 10 pikë nga 13.666 pikë në 13.766 pikë.

Si pasojë e kësaj rritjeje, ajo tejkaloi në renditje dy gjimnaste rumune të cilat kishin një rezultat prej 13.700 për të fituar medaljen e bronztë.

Megjithatë, CAS-i mori vendim në favor të rumunëve dhe thanë se rezultati i Chiles duhet të rikthehet sërish në 13.666, duke kundërshtuar vendimin që mori trupi gjykues./Telegrafi/